ਨਵਜੋਤ ਸਿੱਧੂ ਦੇ " ਜਿੱਤੇਗਾ ਪੰਜਾਬ "ਨਾਮ ਦੇ ਨਾਲ ਦੇ ਯੂ ਟਿਊਬ ਚੈਨਲ ਬਣਾਉਣ ਵਾਲਿਆਂ ਦੀ ਹੁਣ ਖੈਰ ਨਹੀਂ ! ਭੇਜੇ ਕਾਨੂੰਨੀ ਨੋਟਿਸ Print

ਜਿੱਤੇਗਾ ਪੰਜਾਬ' ਦੇ ਲੋਕਾਂ ਨਾਲ ਸਿੱਧੇ ਰਾਬਤੇ ਨੂੰ ਪੰਜਾਬ ਦੋਖੀਆਂ ਵੱਲੋਂ ਨਕਲੀ ਚੈਨਲ ਬਣਾ ਕੇ ਢਾਹ ਲਾਉਣ ਦੀ ਕੋਸ਼ਿਸ਼ : ਸਮਿਟ ਸਿੰਘ

2020-03-16 12:44:39 ( ਖ਼ਬਰ ਵਾਲੇ ਬਿਊਰੋ )

'ਜਿੱਤੇਗਾ ਪੰਜਾਬ' ਦੇ ਲੋਕਾਂ ਨਾਲ ਸਿੱਧੇ ਰਾਬਤੇ ਨੂੰ ਪੰਜਾਬ ਦੋਖੀਆਂ ਵੱਲੋਂ ਨਕਲੀ ਚੈਨਲ ਬਣਾ ਕੇ ਢਾਹ ਲਾਉਣ ਦੀ ਕੋਸ਼ਿਸ਼ : ਸਮਿਟ ਸਿੰਘ 

(ਮੁੱਖ ਪ੍ਰਸ਼ਾਸਕ, ਜਿੱਤੇਗਾ ਪੰਜਾਬ/ Jittega Punjab/ Navjot Sidhu)

'ਜਿੱਤੇਗਾ ਪੰਜਾਬ' ਚੈਨਲ ਰਾਹੀਂ ਸ. ਨਵਜੋਤ ਸਿੰਘ ਸਿੱਧੂ ਦੇ ਆਮ ਲੋਕਾਂ ਨਾਲ ਬਣੇ ਸਿੱਧੇ ਸੰਪਰਕ ਤੋਂ ਘਬਰਾ ਕੇ ਪੰਜਾਬ ਦੋਖੀ ਤਾਕਤਾਂ ਨੇ ਲੋਕਾਂ ਨੂੰ ਭੰਬਲਭੂਸੇ ਵਿੱਚ ਪਾਉਣ ਲਈ 'ਜਿੱਤੇਗਾ ਪੰਜਾਬ' ਨਾਮ ਅਤੇ ਇਸ ਨਾਲ ਮਿਲਦੇ-ਜੁਲਦੇ ਯੂ-ਟਿਊਬ ਚੈਨਲ ਬਨਾਉਣ ਦਾ ਹੱਥਕੰਡਾ ਅਪਣਾਇਆ ਹੈ। ਕੁੱਝ ਲੋਕ ਅਜਿਹੇ ਚੈਨਲ ਬਣਾ ਵਿਊਅਰਸ਼ਿਪ ਵਧਾ ਕੇ ਵਿੱਤੀ ਲਾਹਾ ਵੀ ਲੈਣਾ ਚਾਹੁੰਦੇ ਹਨ।

ਸ. ਨਵਜੋਤ ਸਿੰਘ ਸਿੱਧੂ ਦੁਆਰਾ ਆਪਣਾ ਚੈਨਲ ਸ਼ੁਰੂ ਕਰਨ ਤੋਂ ਬਾਅਦ ਮਿੰਟਾਂ ਵਿੱਚ ਹੀ

'ਜਿੱਤੇਗਾ ਪੰਜਾਬ' ਨਾਮ ਅਤੇ ਇਸ ਨਾਲ ਮਿਲਦੇ-ਜੁਲਦੇ ਯੂ-ਟਿਊਬ ਚੈਨਲ ਖੁੰਬਾਂ ਵਾਂਗ ਉੱਗ ਆਏ ਹਨ। ਇਸ ਤੋਂ ਪਤਾ ਲੱਗਦਾ ਹੈ ਕਿ ਸਿੱਧੂ ਦੇ ਲੋਕਾਂ ਨਾਲ ਸਿੱਧੇ ਸੰਪਰਕ ਵਿੱਚ ਵਿਘਣ ਪਾਉਣ ਲਈ ਵਿਰੋਧੀ ਇਸ ਖੇਤਰ ਦੇ ਪ੍ਰੋਫੈਸ਼ਨਲ ਲੋਕਾਂ ਦਾ ਸਹਾਰਾ ਲੈ ਰਹੇ ਹਨ। ਸਿੱਧੂ ਦੇ ਪੰਜਾਬੀ ਪ੍ਰਤੀ ਪਿਆਰ ਕਾਰਨ ਚੈਨਲ ਦਾ ਨਾਮ ਗੁਰਮੁਖੀ ਵਿਚ ਲਿਖਿਆ ਗਿਆ ਹੈ ਪਰ ਰੋਮਨ ਲਿਪੀ ਵਿੱਚ ਚੈਨਲ ਖੋਜਣ ਵਾਲੇ ਨਕਲੀ-ਅਸਲੀ ਦੇ ਭੁਲੇਖੇ ਦਾ ਸ਼ਿਕਾਰ ਜਿਆਦਾ ਹੋ ਰਹੇ ਹਨ, ਇਸ ਮਸਲੇ ਉੱਪਰ ਸਿੱਧੂ ਆਪਣੀ ਮਾਂ ਬੋਲੀ ਨੂੰ ਹੀ ਪਹਿਲ ਦੇਣ ਦੇ ਹੱਕ ਵਿੱਚ  ਦ੍ਰਿੜ ਹਨ।

ਨਵਜੋਤ ਸਿੰਘ ਸਿੱਧੂ ਦੁਆਰਾ ਚੈਨਲ ਰਜਿਸਟਰੇਸ਼ਨ ਤੋਂ ਦੋ ਦਿਨ ਬਾਅਦ, 'ਜਿੱਤੇਗਾ ਪੰਜਾਬ' ਚੈਨਲ 14 ਮਾਰਚ, 2020 (ਸ਼ਨੀਵਾਰ) ਨੂੰ ਸ਼ੁਰੂ ਕੀਤਾ ਗਿਆ ਸੀ। 'ਜਿੱਤੇਗਾ ਪੰਜਾਬ' ਨਾਮ ਉੱਪਰ ਸ. ਨਵਜੋਤ ਸਿੰਘ ਸਿੱਧੂ ਦਾ ਕਾਪੀ ਰਾਈਟ ਹੈ। ਯੂ-ਟਿਊਬ ਵੱਲੋਂ ਸਿੱਧੂ ਦੇ ਚੈਨਲ ਤੋਂ ਵੀਡੀਓ ਚੋਰੀ ਕਰਕੇ ਅਪਲੋਡ ਕਰਨ ਅਤੇ ਨਕਲੀ ਚੈਨਲ ਬਨਾਉਣ ਵਾਲਿਆਂ ਨੂੰ ਕਾਪੀ ਰਾਈਟ ਕਾਨੂੰਨ ਦਾ ਉਲੰਘਣ ਕਰਨ ਕਾਰਨ ਨੋਟਿਸ ਭੇਜੇ ਗਏ ਹਨ। ਇਸ ਸੰਬੰਧੀ ਯੂ-ਟਿਊਬ ਨੂੰ ਵੀ ਬੇਨਤੀ ਕੀਤੀ ਗਈ ਹੈ ਕਿ ਅਜਿਹੀਆਂ ਗੁਮਰਾਹਕੁੰਨ ਗਤੀਵਿਧੀਆਂ ਨੂੰ ਰੋਕਣ ਦਾ ਕੋਈ ਪੁਖਤਾ ਹੱਲ ਕੀਤਾ ਜਾਵੇ। ਜ਼ਿਕਰਯੋਗ ਹੈ ਕਿ ਸਿੱਧੂ ਦੇ ਸਮਰਥਨ 'ਚ ਅਨੇਕਾਂ ਪੰਜਾਬੀਆਂ ਵੱਲੋਂ ਸ਼ੋਸਲ ਮੀਡੀਆ ਜਿਵੇਂ ਫੇਸਬੁੱਕ, ਇੰਸਟਾਗ੍ਰਾਮ ਆਦਿ ਉੱਪਰ ਇਸ ਬਾਰੇ ਜਾਗਰੂਕਤਾ ਮੁਹਿੰਮ ਵੀ ਚਲਾਈ ਜਾ ਰਹੀ ਹੈ।

ਅਸਲ ਯੂ-ਟਿਊਬ ਵੀਡਿਓ ਲਿੰਕ :

https://youtu.be/39LxMeeOfMk

ਅਸਲ ਯੂ-ਟਿਊਬ ਚੈਨਲ ਲਿੰਕ :

https://www.youtube.com/channel/UCkC-Ws5gYm53BhzWixT0Xdg