PCA ਦੇ ਅਹੁਦੇਦਾਰਾਂ ਦਾ ਆਖਿਰ ਰਸਮੀ ਤੌਰ ਤੇ ਹੋ ਗਿਆ ਐਲਾਨ

ਚੰਡੀਗੜ੍ਹ-  ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀਸੀਏ) ਦੀ ਕਾਰਜਕਾਰੀ ਕਮੇਟੀ ਦੀ ਚੋਣ ਦਾ ਨਤੀਜਾ ਅੱਜ ਐਲਾਨਿਆ ਗਿਆ ਹੈ। ਇਸ ਚੋਣ ਵਿੱਚ ਆਮ ਆਦਮੀ ਪਾਰਟੀ ਦੇ ਆਗੂਆਂ ਦੀ ਜਿੱਤ ਹੋਈ ਹੈ। ਇਨ੍ਹਾਂ ਆਗੂਆਂ  ਖਿਲਾਫ ਮੈਦਾਨ ਵਿੱਚ ਕੋਈ ਨਹੀਂ ਉਤਰਿਆ ਹੈ। ਪੰਜਾਬ ਦੀ ਰਾਜਨੀਤੀ ਦੇ ਨਾਲ-ਨਾਲ, ਆਮ ਆਦਮੀ ਪਾਰਟੀ (ਆਪ) ਦੇ ਆਗੂ ਹੁਣ ਸੂਬੇ ਦੇ ਕ੍ਰਿਕਟ ਵਿੱਚ ਵੀ ਆਪਣੀ ਭੂਮਿਕਾ ਨਿਭਾਉਣਗੇ।

ਇਸ ਦੌਰਾਨ ਅੱਜ  ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀਸੀਏ) ਦੀ ਨਵੀਂ ਕਮੇਟੀ ਦਾ ਰਸਮੀ ਤੌਰ'ਤੇ ਐਲਾਨ ਕੀਤਾ ਗਿਆ ਹੈ, ਜਿਸ ਵਿੱਚ ਅਮਰਜੀਤ ਸਿੰਘ ਮਹਿਤਾ ਨਵੇਂ ਪ੍ਰਧਾਨ, ਮੁਹਾਲੀ ਦੇ ਵਿਧਾਇਕ ਕੁਲਵੰਤ ਸਿੰਘ ਜਨਰਲ ਸੈਕਟਰੀ ਅਤੇ ਦੀਪਕ ਬਾਲੀ ਨੂੰ ਵਾਇਸ ਪ੍ਰੈਸੀਡੈਂਟ  ਚੁਣਿਆ ਗਿਆ ਹੈI