ਤਾਜਾ ਖਬਰਾਂ
ਜੰਮੂ-ਕਸ਼ਮੀਰ ਦੇ ਪ੍ਰਸਿੱਧ ਹਿੱਲ ਸਟੇਸ਼ਨ ਪਹਿਲਗਾਮ ਵਿੱਚ 22 ਅਪ੍ਰੈਲ ਨੂੰ ਹੋਏ ਖੂਨਖਾਰ ਅੱਤਵਾਦੀ ਹਮਲੇ ਨੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ। ਇਸ ਹਮਲੇ ਦੌਰਾਨ ਕਈ ਨਿਰਦੋਸ਼ ਲੋਕਾਂ ਦੀ ਜਾਨ ਚਲੀ ਗਈ, ਜਿਸ ਤੋਂ ਬਾਅਦ ਭਾਰਤ ਸਰਕਾਰ ਨੇ ਇਸ ਦਾ ਤਿੱਖਾ ਅਤੇ ਦ੍ਰਿੜ੍ਹ ਜਵਾਬ ਦੇਣ ਦਾ ਫੈਸਲਾ ਲਿਆ। ਭਾਰਤ ਨੇ ਹਮਲੇ ਦੇ ਸਿਰਜਣਹਾਰਾਂ ਨੂੰ ਸਿੱਧਾ ਨਿਸ਼ਾਨਾ ਬਣਾਉਂਦੇ ਹੋਏ ਪਾਕਿਸਤਾਨ ਅਤੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ (ਪੀਓਕੇ) ਵਿੱਚ ਸਥਿਤ ਨੌਂ ਅੱਤਵਾਦੀ ਅੱਡਿਆਂ 'ਤੇ ਲਗਾਤਾਰ ਹਵਾਈ ਹਮਲੇ ਕੀਤੇ।
ਇਹ ਹਵਾਈ ਹਮਲੇ ਇਕ ਵਿਅਪਕ ਰਣਨੀਤੀ ਦਾ ਹਿੱਸਾ ਸਨ ਜੋ ਕਿ ਦੇਸ਼ ਦੀ ਰੱਖਿਆ ਨੀਤੀ ਅਨੁਸਾਰ ਅੱਤਵਾਦ ਦਾ ਜਵਾਬ ਅੱਤਵਾਦੀ ਢੰਗ ਨਾਲ ਦੇਣ ਲਈ ਬਣਾਈ ਗਈ। ਭਾਰਤ ਦੀ ਤਿੰਨਾਂ ਫੌਜਾਂ — ਭਾਰਤੀ ਸੈਨਾ, ਨੇਵੀ ਅਤੇ ਏਅਰਫੋਰਸ — ਨੇ ਮਿਲ ਕੇ ਇੱਕ ਸੰਯੁਕਤ ਫੌਜੀ ਕਾਰਵਾਈ "ਆਪ੍ਰੇਸ਼ਨ ਸਿੰਦੂਰ" ਦੀ ਸ਼ੁਰੂਆਤ ਕੀਤੀ, ਜੋ ਕਿ ਪੂਰੀ ਤਿਆਰੀ ਅਤੇ ਸੋਚ-ਵਿਚਾਰ ਨਾਲ ਅੰਜਾਮ ਦਿੱਤੀ ਗਈ।
ਆਪ੍ਰੇਸ਼ਨ ਸਿੰਦੂਰ ਦੇ ਤਹਿਤ ਕੀਤੇ ਗਏ ਹਮਲੇ ਨਾ ਸਿਰਫ਼ ਆਤੰਕਵਾਦੀਆਂ ਲਈ ਇੱਕ ਚੇਤਾਵਨੀ ਸਨ, ਸਗੋਂ ਪਾਕਿਸਤਾਨ ਲਈ ਵੀ ਇਹ ਸੰਦੇਸ਼ ਸਾਫ਼ ਸੀ ਕਿ ਭਾਰਤ ਹੁਣ ਚੁੱਪ ਬੈਠਣ ਵਾਲਾ ਨਹੀਂ। ਇਸ ਕਾਰਵਾਈ ਤੋਂ ਬਾਅਦ, ਪਾਕਿਸਤਾਨ ਨੇ ਆਪਣੇ ਪੂਰਬੀ ਸਰਹੱਦੀ ਖੇਤਰਾਂ 'ਚ ਹਾਈ ਅਲਰਟ ਜਾਰੀ ਕਰ ਦਿੱਤਾ ਹੈ। ਫੌਜੀ ਢਾਂਚਾ ਇੱਕ ਐਮਰਜੈਂਸੀ ਦੀ ਤਿਆਰੀ ਵਿੱਚ ਆ ਗਿਆ ਹੈ ਅਤੇ ਰੱਖਿਆ ਇਕਾਈਆਂ ਨੂੰ ਐਕਸ਼ਨ ਮੋਡ ਵਿੱਚ ਰੱਖ ਦਿੱਤਾ ਗਿਆ ਹੈ।
ਇਸ ਤਾਜ਼ਾ ਘਟਨਾ ਨੇ ਦੋਹਾਂ ਦੇਸ਼ਾਂ ਵਿਚਕਾਰ ਤਣਾਅ ਵਧਾ ਦਿੱਤਾ ਹੈ ਅਤੇ ਇਲਾਕਾਈ ਸ਼ਾਂਤੀ ਲਈ ਵੀ ਇਕ ਚੁਣੌਤੀ ਪੈਦਾ ਕਰ ਦਿੱਤੀ ਹੈ। ਭਾਰਤ ਦੇ ਇਸ ਸੰਕਲਪ ਅਤੇ ਕਾਰਵਾਈ ਨੇ ਇਹ ਸਾਫ਼ ਕਰ ਦਿੱਤਾ ਹੈ ਕਿ ਅੱਤਵਾਦ ਦੇ ਹਰ ਹਮਲੇ ਨੂੰ ਕਾਫ਼ੀ ਭਾਰੀ ਕੀਮਤ ਚੁਕਾ ਕੇ ਹੀ ਜਵਾਬ ਦਿੱਤਾ ਜਾਵੇਗਾ।
Get all latest content delivered to your email a few times a month.
