ਗੁਰਦਾਸਪੁਰ:- ਜਿਲੇ ਦੇ ਐਫਸੀਆਈ ਡੀਪੂ ਬਟਾਲਾ ਵਿਖੇ ਉਸ ਸਮੇਂ ਹਫੜਾ ਦਫੜੀ ਮੱਚ ਗਈ , ਜਦੋਂ ਸੀਬੀਆਈ ਦੀ ਟੀਮ ਨੇ ਐਫਸੀਆਈ ਦੇ ‌ ਡੀਪੂ ਤੇ ਛਾਪਾ ਮਾਰਿਆ । ਖਬਰ ਵਾਲੇ ਡਾਟ ਕਾਮ ਨੂੰ ਸੂਤਰਾਂ ਦੇ ਹਵਾਲੇ ਤੋਂ ਖਬਰ ਮਿਲੀ ਹੈ ਕਿ ਇਸ ਮੌਕੇ ਸੀਬੀਆਈ ਨੇ ਅਸ਼ੋਕ ਕੁਮਾਰ ਨਾਮ ਦੇ ਅਧਿਕਾਰੀ ਸਮੇਤ ਦੋ ਨੂੰ ਰਿਸ਼ਵਤ ਲੈਂਦੇ ਆ ਰੰਗੀ ਹੱਥੀ ਗਿਰਫਤਾਰ ਕੀਤੇ ਜਾਣ ਦੀ ਸੂਚਨਾ ਮਿਲੀ ਹੈ। ਅਸ਼ੋਕ ਕੁਮਾਰ ਜੋ ਕਿ TA ਪੱਧਰ ਦਾ ਅਧਿਕਾਰੀ ਹੈ ਕਿ ਉਸਦੇ ਨਾਲ ਅਸਿਸਟੈਂਟ ਹੈ । ਮੇਰੀ ਜਾਣਕਾਰੀ ਅਨੁਸਾਰ ਪਵਨਦੀਪ ਸਿੰਘ ਬਾਸੀ ਪਿੰਡ ਸਰਪੰਚ ਹੇਰਾ ਨੇ ਇਹ ਸ਼ਿਕਾਇਤ ਕੀਤੀ ਸੀ ਕਿ ਉਸਦੀ ਰਾਈਸ ਮਿੱਲ ਲੁਧਿਆਣਾ ਜ਼ਿਲ੍ਹੇ ਚ ਗੁਰਪ੍ਰਸ਼ਾਦ ਰਾਈਸ ਮਿੱਲ ਪਿੰਡ ਹੇਰਾ ਵਿਖੇ ਹੈ । ਉਸਨੇ ਇਹ ਸ਼ਿਕਾਇਤ ਕੀਤੀ ਸੀ ਕਿ ਉਸ ਕੋਲ ਮਾਰਕਫੈਡ ਦੇ ਰਾਈਸ ਮਿਲਿੰਗ ਲਈ ਆਏ ਹੋਏ ਸਨ । ਜਿਨਾਂ ਨੂੰ ਗੁਰਦਾਸਪੁਰ ਜ਼ਿਲ੍ਹੇ ਦੇ ਬਟਾਲਾ ਵਿਖੇ ਲਗਾਉਣ ਲਈ ਟੀਏ ਨੇ ਪ੍ਰਤੀ ਗੱਡੀ 4600 ਰੁਪਏ ਦੀ ਡਿਮਾਂਡ ਕੀਤੀ ਸੀ । ਸੂਤਰ ਦੱਸਦੇ ਹਨ ਕਿ 27000 ਦੀ ਨਕਦੀ ਰਕਮ ਦੀ ਡੀਲ ਤੈ ਹੋਈ ਸੀ ਜਿਸ ਤੋਂ ਬਾਅਦ ਉਹ ਰੰਗੇ ਹੱਥੀ ਫੜੇ ਗਏ। ਖਬਰ ਲਿਖੇ ਜਾਣ ਤੱਕ ਸੀਬੀਆਈ ਦੀ ਟੀਮ ਵੱਲੋਂ ਦੋ ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਹੋਇਆ ਹੈ ਅਤੇ ਛਾਣਬੀਨ ਚੱਲ ਰਹੀ ਹੈ।