ਅਕਾਲ ਦੇ ਵਿਰੋਧ ਵਿਚਾਲੇ ਗਿੱਪੀ ਗਰੇਵਾਲ ਦਾ ਵੱਡਾ ਬਿਆਨ

10 ਅਪ੍ਰੈਲ ਨੂੰ ਰਿਲੀਜ਼ ਹੋਈ ਗਿੱਪੀ ਗਰੇਵਾਲ ਅਤੇ ਨਿਮਰਤ ਖਹਿਰਾ ਸਟਾਰਰ ਪੰਜਾਬੀ ਫਿਲਮ 'ਅਕਾਲ' ਇਸ ਸਮੇਂ ਸਿਨੇਮਾਘਰਾਂ ਦਾ ਸ਼ਿੰਗਾਰ ਬਣੀ ਹੋਈ ਹੈ। ਹੁਣ ਇੱਥੇ ਅਸੀਂ ਫਿਲਮ ਦਾ 2 ਦਿਨਾਂ ਦਾ ਬਾਕਸ ਆਫਿਸ ਕਲੈਕਸ਼ਨ ਲੈ ਕੇ ਆਏ ਹਾਂ, ਇੱਥੇ ਇਹ ਧਿਆਨਦੇਣਯੋਗ ਗੱਲ ਹੈ ਕਿ ਫਿਲਮ 'ਅਕਾਲ' ਨੇ ਪਹਿਲੇ ਦਿਨ ਉਮੀਦ ਤੋਂ ਘੱਟ ਕਲੈਕਸ਼ਨ ਕੀਤਾ ਹੈ।

2025 ਦੀ ਗਿੱਪੀ ਗਰੇਵਾਲ ਦੀ ਪਹਿਲੀ ਫਿਲਮ 'ਅਕਾਲ' ਨੇ ਸੈਕਨਲਿਕ ਦੇ ਅੰਕੜਿਆਂ ਅਨੁਸਾਰ ਪਹਿਲੇ ਦਿਨ ਭਾਰਤ ਵਿੱਚੋਂ ਸਿਰਫ਼ 85 ਲੱਖ ਦਾ ਕਲੈਕਸ਼ਨ ਕੀਤਾ। ਦੂਜੇ ਦਿਨ ਫਿਲਮ ਨੇ 54 ਲੱਖ ਦਾ ਹੀ ਕਲੈਕਸ਼ਨ ਕੀਤਾ। ਇਸ ਨਾਲ ਫਿਲਮ ਦਾ 2 ਦਿਨਾਂ ਦਾ ਕਲੈਕਸ਼ਨ 1 ਕਰੋੜ 39 ਲੱਖ ਹੋ ਗਿਆ ਹੈ। ਹਾਲਾਂਕਿ ਫਿਲਮ ਤੋਂ ਅਗਲੇ 2 ਦਿਨ ਚੰਗੇ ਪ੍ਰਦਰਸ਼ਨ ਕਰਨ ਦੀ ਉਮੀਦ ਜਤਾਈ ਜਾ ਰਹੀ ਹੈ।

ਗਿੱਪੀ ਗਰੇਵਾਲ ਨੇ ਕਿਹਾ ਕਿ ਬਹੁਤ ਸਾਰੇ ਲੋਕ ਇੰਸਟਾਗ੍ਰਾਮ ‘ਤੇ ਫਿਲਮ ਦੇ ਖਿਲਾਫ ਪੇਡ ਪੋਸਟਾਂ ਚਲਾ ਰਹੇ ਹਨ। ਕੁਝ ਲੋਕਾਂ ਨੂੰ ਮੇਰੇ ਨਾਲ ਨਿੱਜੀ ਤੌਰ ‘ਤੇ ਸਮੱਸਿਆਵਾਂ ਹਨ, ਪਰ ਇਸ ਕਾਰਨ ਇੱਕ ਚੰਗੀ ਫਿਲਮ ਨੂੰ ਨੁਕਸਾਨ ਹੋ ਰਿਹਾ ਹੈ।