ਸੰਗਰੂਰ ਵਿੱਖੇ 22 ਸਾਲਾਂ ਨੌਜਵਾਨ ਦਾ ਹੋਇਆ ਕਤਲ

ਸੰਗਰੂਰ ਦੀ ਸਥਾਨਕ ਇੰਦਰਾ ਬਸਤੀ ਦੇ ਵਿਚ ਅੱਜ‌ 22 ਸਾਲਾਂ ਦੇ ਨੌਜਵਾਨ ਦਾ ਕਤਲ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸੰਬੰਧੀ ਮੌਕੇ ’ਤੇ ਪੁੱਜੇ ਥਾਣਾ ਮੁਖੀ ਪ੍ਰਤੀਕ ਜਿੰਦਲ ਨੇ ਦੱਸਿਆ ਕਿ ‌ਇੰਦਰਾ ਬਸਤੀ ’ਚ ਰਾਹੁਲ ਨਾਂਅ ਦੇ ਨੌਜਵਾਨ ’ਤੇ ਕੁਝ ਨੋਜਵਾਨਾਂ ਵਲੋਂ ਹਮਲਾ ਕਰਨ ’ਤੇ ਉਸ ਦੇ ਕੋਈ ਅਜਿਹੀ ਸੱਟ ਲੱਗੀ, ਜਿਸ ਨਾਲ ਉਸ ਦੀ ਮੌਤ ਹੋ ਗਈ। ਉਸ ਦਾ ਸਥਾਨਕ ਸਿਵਲ ਹਸਪਤਾਲ ਦੇ ਵਿਚ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ ਅਤੇ ਜਲਦ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇਗਾ ਤੇ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।