ਤਾਜਾ ਖਬਰਾਂ
ਕੈਂਥਲ- ਹਰਿਆਣਾ ਦੇ ਕੈਥਲ 'ਚ ਦਿਨ-ਦਿਹਾੜੇ ਦਿਓਰ ਨੇ ਆਪਣੀ ਹੀ ਭਰਜਾਈ 'ਤੇ ਗੋਲੀਆਂ ਚਲਾ ਦਿੱਤੀਆਂ।ਮਹਿਲਾ ਬਿਊਟੀ ਪਾਰਲਰ ਚਲਾਉਂਦੀ ਹੈ, ਜਿੱਥੇ ਦੋਸ਼ੀ ਪਿਸਤੌਲ ਲੈ ਕੇ ਦਾਖਲ ਹੋਇਆ। ਗੋਲੀ ਔਰਤ ਦੇ ਗਲੇ ਨੂੰ ਲੱਗੀ ਅਤੇ ਉਹ ਵਾਲ-ਵਾਲ ਬਚ ਗਈ।ਇਹ ਮਾਮਲਾ ਪੁੰਡਰੀ ਦੀ ਬ੍ਰਹਮਾਨੰਦ ਕਾਲੋਨੀ ਸਥਿਤ ਮੰਨਤ ਮੇਕਓਵਰ ਐਂਡ ਹੇਅਰ ਸੈਲੂਨ 'ਚ ਸ਼ੁੱਕਰਵਾਰ ਦੁਪਹਿਰ 2:30 ਵਜੇ ਸਾਹਮਣੇ ਆਇਆ। ਬਿਊਟੀ ਪਾਰਲਰ ਦੀ ਮਾਲਕ ਉਰਮਿਲਾ ਕੰਮ ਕਰਦੀ ਸੀ। ਇਸ ਦੌਰਾਨ ਉਰਮਿਲਾ ਦੇ ਪਤੀ ਦੇ ਚਾਚੇ ਦਾ ਲੜਕਾ ਬੀਰਬਲ ਨਾਜਾਇਜ਼ ਹਥਿਆਰ ਲੈ ਕੇ ਆਇਆ ਅਤੇ ਗੋਲੀਆਂ ਚਲਾ ਦਿੱਤੀਆਂ। ਉੱਥੇ ਮੌਜੂਦ ਲੋਕਾਂ ਨੇ ਉਰਮਿਲਾ ਨੂੰ ਬਚਾਇਆ।
ਦੱਸਿਆ ਜਾਂ ਰਿਹਾ ਹੈ ਕਿ ਪੁਰਾਣੀ ਰੰਜਿਸ਼ ਅਤੇ ਆਪਸੀ ਝਗੜੇ ਕਾਰਨ ਮੁਲਜ਼ਮ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਘਟਨਾ ਤੋਂ ਬਾਅਦ ਮੁਲਜ਼ਮ ਆਪਣੇ ਸਾਥੀ ਸਮੇਤ ਫਰਾਰ ਹੋ ਗਿਆ। ਭੱਜਦੇ ਸਮੇਂ ਉਹ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਿਆ।
ਪੁੰਡਰੀ ਥਾਣਾ ਇੰਚਾਰਜ ਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਬੀਰਬਲ ਨਸ਼ੇ ਦਾ ਆਦੀ ਹੈ। ਉਸ ਖ਼ਿਲਾਫ਼ ਲੁੱਟ-ਖੋਹ, ਡਕੈਤੀ ਅਤੇ ਲੜਾਈ-ਝਗੜੇ ਦੇ ਕਈ ਕੇਸ ਦਰਜ ਹਨ। ਪੁਲੀਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰਨ ਲਈ ਵਿਸ਼ੇਸ਼ ਟੀਮ ਬਣਾਈ ਹੈ। ਇਲਾਕੇ 'ਚ ਸੁਰੱਖਿਆ ਪ੍ਰਬੰਧ ਸਖ਼ਤ ਕਰ ਦਿੱਤੇ ਗਏ ਹਨ। ਸ਼ੱਕੀ ਲੋਕਾਂ 'ਤੇ ਨਜ਼ਰ ਰੱਖੀ ਜਾ ਰਹੀ ਹੈ।
Get all latest content delivered to your email a few times a month.
