ਜ਼ਿਲ੍ਹਾ ਟਾਸਕ ਫੋਰਸ ਵੱਲੋਂ ਰੇਲਵੇ ਅਧਿਕਾਰੀਆਂ ਨਾਲ ਮੀਟਿੰਗ, ਬਾਲ ਵਿਆਹ ਤੇ ਮਨੁੱਖੀ ਤਸਕਰੀ ਦੀ ਰੋਕਥਾਮ ਲਈ ਕੀਤੀ ਵਿਚਾਰ ਚਰਚਾ

ਲੁਧਿਆਣਾ, 18 ਮਾਰਚ– ਬਾਲ ਵਿਆਹ ਅਤੇ ਮਨੁੱਖੀ ਤਸਕਰੀ ਦੀ ਰੋਕਥਾਮ ਲਈ, ਜ਼ਿਲ੍ਹਾ ਟਾਸਕ ਫੋਰਸ ਵੱਲੋਂ ਰੇਲਵੇ ਅਧਿਕਾਰੀਆਂ ਨਾਲ ਮੀਟਿੰਗ ਕੀਤੀ ਗਈ।ਰੇਲਵੇ ਸਟੇਸ਼ਨ ਲੁਧਿਆਣਾ ਵਿਖੇ ਮੀਟਿੰਗ ਦੌਰਾਨ, ਆਈ.ਪੀ.ਐਫ. ਸ਼ੈਲੇਸ਼ ਕੁਮਾਰ, ਰੇਲਵੇ ਪ੍ਰੋਟੈਕਸ਼ਨ ਫੋਰਸ ਪੋਸਟ, ਲੁਧਿਆਣਾ ਅਤੇ ਡੀ.ਸੀ.ਪੀ.ਓ. ਰਸ਼ਮੀ, ਏ.ਐੱਚ.ਟੀ.ਯੂ ਸਟਾਫ, ਏ.ਐਸ.ਆਈ. ਵਿਜੇ ਕੁਮਾਰ ਸੀ.ਆਈ.ਬੀ./ਡੀ.ਡਬਲਿਊ./ਐਫ.ਜ਼ੈਡ.ਆਰ ਅਤੇ ਸਟਾਫ਼, ਬੀ.ਬੀ.ਏ. ਸੰਦੀਪ ਸਿੰਘ ਏ.ਪੀ.ਓ  ਵੀ ਮੌਜੂਦ ਸਨ।

ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ (ਡੀ.ਸੀ.ਪੀ.ਓ.) ਰਸ਼ਮੀ ਨੇ ਦੱਸਿਆ ਕਿ  ਮੀਟਿੰਗ ਦੌਰਾਨ  ਬਾਲ ਵਿਆਹ ਅਤੇ ਮਨੁੱਖੀ ਤਸਕਰੀ ਨੂੰ ਰੋਕਣ ਦੇ ਉਪਾਵਾਂ, ਘਰੋਂ ਭੱਜੇ ਬੱਚਿਆਂ ਅਤੇ ਨਸ਼ੇ ਵਿੱਚ ਧੁੱਤ ਬੱਚਿਆਂ ਬਾਰੇ ਵੀ ਵਿਚਾਰ ਚਰਚਾ ਕੀਤੀ। ਉਨ੍ਹਾਂ ਰੇਲਵੇ ਵਿਭਾਗ ਨਾਲ ਸੂਚਨਾ ਆਦਾਨ-ਪ੍ਰਦਾਨ ਅਤੇ ਬਿਹਤਰ ਤਾਲਮੇਲ ਰੱਖਕੇ ਕੰਮ ਕਰਨ 'ਤੇ ਵੀ ਜ਼ੋਰ ਦਿੱਤਾ ਗਿਆ। 

ਜ਼ਿਲ੍ਹਾ ਟਾਸਕ ਫੋਰਸ ਵੱਲੋਂ ਸ਼ੱਕੀ ਗੱਡੀ ਨੰਬਰ 15707, 13005 ਦੀ ਅਚਨਚੇਤ ਚੈਕਿੰਗ ਕਰਦਿਆਂ ਲੁਧਿਆਣਾ ਰੇਲਵੇ ਸਟੇਸ਼ਨ 'ਤੇ ਯਾਤਰੀਆਂ ਨੂੰ ਮਨੁੱਖੀ ਤਸਕਰੀ ਬਾਰੇ ਜਾਗਰੂਕ ਕੀਤਾ ਗਿਆ ।