ਹਰਿਆਣਾ ਦੇ ਪਾਣੀਪਤ 'ਚ ਨਗਰ ਨਿਗਮ ਵੋਟਿੰਗ ਜਾਰੀ, ਮੇਅਰ ਦੀ ਈਵੀਐਮ ਮਸ਼ੀਨ ਖ਼ਰਾਬ

ਪਾਣੀਪਤ:- ਹਰਿਆਣਾ 'ਚ ਪਾਣੀਪਤ ਨਗਰ ਨਿਗਮ ਚੋਣਾਂ ਲਈ ਵੋਟਿੰਗ ਚੱਲ ਰਹੀ ਹੈ। ਸਵੇਰੇ 8 ਵਜੇ ਸ਼ੁਰੂ ਹੋਈ ਵੋਟਿੰਗ ਸ਼ਾਮ 6 ਵਜੇ ਤੱਕ ਜਾਰੀ ਰਹੇਗੀ। ਵੋਟਿੰਗ ਤੋਂ ਪਹਿਲਾਂ ਜਦੋਂ ਬੂਥਾਂ 'ਤੇ ਮੌਕ ਪੋਲ ਕਰਵਾਈ ਗਈ ਤਾਂ ਵਾਰਡ-4 'ਚ ਮਸ਼ੀਨ ਖਰਾਬ ਹੋ ਗਈ। ਇਸ ਦੀ ਥਾਂ ਹੋਰ ਮਸ਼ੀਨ ਮੰਗਵਾਉਣੀ ਪਈ।ਇਸ ਦੇ ਨਾਲ ਹੀ ਵੋਟਿੰਗ ਸ਼ੁਰੂ ਹੋਣ ਤੋਂ ਬਾਅਦ ਵਾਰਡ 14 ਵਿੱਚ ਈਵੀਐਮ ਖਰਾਬ ਹੋ ਗਈ। ਇਸ ਕਾਰਨ ਇੱਥੇ ਵੋਟਿੰਗ ਰੋਕਣੀ ਪਈ। ਇਸੇ ਤਰ੍ਹਾਂ ਬੂਥ ਨੰਬਰ 256 ’ਤੇ ਮੇਅਰ ਦੀ ਵੋਟ ਵਾਲੀ ਈਵੀਐਮ ਖਰਾਬ ਹੋ ਗਈ। ਇੱਥੇ ਮਾੜੇ ਸਿਸਟਮ ਤੋਂ ਨਾਰਾਜ਼ ਲੋਕ ਬਿਨਾਂ ਵੋਟ ਪਾਏ ਹੀ ਘਰਾਂ ਨੂੰ ਪਰਤਣ ਲੱਗੇ। ਡਾ ਦੇਈਏ ਕਿ ਨਿਗਮ ਵਿੱਚ ਮੇਅਰ ਦੇ ਅਹੁਦੇ ਲਈ 4 ਉਮੀਦਵਾਰ ਅਤੇ 26 ਵਾਰਡਾਂ ਵਿੱਚ ਕੌਂਸਲਰ ਦੇ ਅਹੁਦੇ ਲਈ 103 ਉਮੀਦਵਾਰ ਮੈਦਾਨ ਵਿੱਚ ਹਨ।