• Home
  • ਗੋਆ ‘ਚ ਸਿਆਸੀ ਹਲਚਲ ਤੇਜ਼, ਕਾਂਗਰਸ ਨੇ ਕੀਤਾ ਸਰਕਾਰ ਬਣਾਉਣ ਦਾ ਦਾਅਵਾ

ਗੋਆ ‘ਚ ਸਿਆਸੀ ਹਲਚਲ ਤੇਜ਼, ਕਾਂਗਰਸ ਨੇ ਕੀਤਾ ਸਰਕਾਰ ਬਣਾਉਣ ਦਾ ਦਾਅਵਾ

ਨਵੀਂ ਦਿੱਲੀ, (ਖ਼ਬਰ ਵਾਲੇ ਬਿਊਰੋ): ਗੋਆ ਦੇ ਮੁੱਖ ਮੰਤਰੀ ਮਨੋਹਰ ਪਰਿਕਰ ਦੇ ਬੀਮਾਰ ਹੋਣ ਅਤੇ ਉਨਾਂ ਵਲੋਂ ਮੁੱਖ ਮੰਤਰੀ ਦਾ ਅਹੁਦਾ ਛੱਡ ਦੇਣ ਦੀ ਇੱਛਾ ਜਤਾਉਣ ਤੋਂ ਬਾਅਦ ਸਿਆਸੀ ਹਲਚਲ ਤੇਜ਼ ਹੋ ਗਈ ਹੈ। ਕਾਂਗਰਸ ਦੇ 14 ਵਿਧਾਇਕ ਸਰਕਾਰ ਬਣਾਉਣ ਵਾਲਾ ਪੱਤਰ ਲੈ ਕੇ ਰਾਜ ਭਵਨ ਪਹੁੰਚੇ। ਭਾਵੇਂ ਉਨਾਂ ਨੂੰ ਰਾਜਪਾਲ ਮੁਦਲਾ ਸਿਨਹਾ ਤਾਂ ਨਹੀਂ ਮਿਲੇ ਪਰ ਉਹ ਸਰਕਾਰ ਬਣਾਉਣ ਵਾਲੀ ਆਪਣੀ ਚਿੱਠੀ ਰਾਜ ਭਵਨ 'ਚ ਛੱਡ ਆਏ।
ਦਸ ਦਈਏ ਕਿ 40 ਮੈਂਬਰੀ ਵਿਧਾਨ ਸਭਾ ਵਿਚ ਕਾਂਗਰਸ ਦੇ 16 ਵਿਧਾਇਕ ਹਨ ਤੇ ਭਾਜਪਾ ਕੋਲ 14 ਵਿਧਾਇਕ ਹਨ। ਖੇਤਰੀ ਦਲਾਂ ਦੇ 6 ਤੇ 2 ਆਜ਼ਾਦ ਵਿਧਾਇਕ ਭਾਜਪਾ ਦੇ ਨਾਲ ਹਨ ਜਿਸ ਕਾਰਨ ਉਹ ਸੱਤਾ ਵਿਚ ਹੈ।
ਦੂਜੇ ਪਾਸੇ ਭਾਜਪਾ ਦਾ ਕਹਿਣਾ ਹੈ ਕਿ ਸੱਤਾ ਪਰਿਵਰਤਨ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ ਤੇ ਮੁੱਖ ਮੰਤਰੀ ਛੇਤੀ ਹੀ ਠੀਕ ਹੋ ਕੇ ਜ਼ਿੰਮੇਵਾਰੀ ਸੰਭਾਲਣਗੇ।

  • Home
  • 19 ਨੂੰ ਚੰਡੀਗੜ ਤੇ ਪੰਜਾਬ ਦੇ ਸਰਕਾਰੀ ਅਦਾਰਿਆਂ ‘ਚ ਰਹੇਗੀ ਜਨਤਕ ਛੁੱਟੀ

19 ਨੂੰ ਚੰਡੀਗੜ ਤੇ ਪੰਜਾਬ ਦੇ ਸਰਕਾਰੀ ਅਦਾਰਿਆਂ ‘ਚ ਰਹੇਗੀ ਜਨਤਕ ਛੁੱਟੀ

ਚੰਡੀਗੜ, (ਖ਼ਬਰ ਵਾਲੇ ਬਿਊਰੋ): ਪੰਜਾਬ ਵਿਚ 19 ਸਤੰਬਰ ਨੂੰ ਜ਼ਿਲਾ ਪ੍ਰੀਸ਼ਦ ਤੇ ਪੰਚਾਇਤੀ ਚੋਣਾਂ ਹੋਣੀਆਂ ਹਨ ਜਿਸ ਦੇ ਮੱਦੇਨਜ਼ਰ ਪੰਜਾਬ ਸਰਕਾਰ ਨੇ ਇਕ ਅਧਿਸੂਚਨਾ ਜਾਰੀ ਕਰ ਕੇ ਇਸ ਦਿਨ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਹੈ। 19 ਸਤੰਬਰ ਨੂੰ ਪੰਜਾਬ ਦੇ ਸਾਰੇ ਸਰਕਾਰੀ ਅਦਾਰੇ ਤੇ ਚੰਡੀਗੜ 'ਚ ਪੈਂਦੇ ਪੰਜਾਬ ਨਾਲ ਸਬੰਧਤ ਸਾਰੇ ਸਰਕਾਰੀ ਅਦਾਰੇ ਬੰਦ ਰਹਿਣਗੇ।

  • Home
  • ਰਿਵਾੜੀ ਬਲਾਤਕਾਰ ਕਾਂਡ ਦੇ ਮੁੱਖ ਦੋਸ਼ੀ ਦਾ ਚਾਰ ਦਿਨਾਂ ਦਾ ਪੁਲਿਸ ਰਿਮਾਂਡ

ਰਿਵਾੜੀ ਬਲਾਤਕਾਰ ਕਾਂਡ ਦੇ ਮੁੱਖ ਦੋਸ਼ੀ ਦਾ ਚਾਰ ਦਿਨਾਂ ਦਾ ਪੁਲਿਸ ਰਿਮਾਂਡ

ਰਿਵਾੜੀ, (ਖ਼ਬਰ ਵਾਲੇ ਬਿਊਰੋ): ਬੀਤੇ ਦਿਨੀਂ ਹਰਿਆਣਾ ਦੇ ਰਿਵਾੜੀ ਵਿਚ ਇਕ ਵਿਦਿਆਰਥਣ ਨਾਲ ਸਮੂਹਿਕ ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਹਰਿਆਣਾ ਪੁਲਿਸ ਦੀ ਕਾਫੀ ਕਿਰਕਿਰੀ ਹੋਈ ਸੀ ਕਿਉਂਕਿ ਕਈ ਘੰਟੇ ਤਕ ਪੁਲਿਸ ਨੇ ਮਾਮਲਾ ਵੀ ਦਰਜ ਨਹੀਂ ਕੀਤਾ ਸੀ ਪਰ ਮਾਮਲਾ ਮੀਡੀਆ 'ਚ ਆਉਣ ਤੋਂ ਬਾਅਦ ਪੁਲਿਸ ਨੇ ਸਰਗਰਮੀ ਦਿਖਾਈ ਤੇ ਸਿੱਟੇ ਵਜੋਂ ਬੀਤੀ ਸ਼ਾਮ ਮਾਮਲੇ ਦੇ ਮੁੱਖ ਦੋਸ਼ੀ ਨਿਸ਼ੂ ਫ਼ੋਗਾਟ ਨੂੰ ਕਾਬੂ ਕਰ ਲਿਆ ਸੀ। ਅੱਜ ਮੁਲਜ਼ਮ ਨੂੰ ਅਦਾਲਤ 'ਚ ਪੇਸ਼ ਕੀਤਾ ਗਿਆ ਤੇ ਅਦਾਲਤ ਨੇ ਉਸ ਨੂੰ ਚਾਰ ਦਿਨ ਦੇ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ ਹੈ।

ਐਸ ਪੀ ਨਾਜਨੀਨ ਭਸੀਨ ਨੇ ਦਾਅਵਾ ਕੀਤਾ ਕਿ ਬਾਕੀ ਬਚੇ ਦੋ ਦੋਸ਼ੀਆਂ ਨੂੰ ਵੀ ਛੇਤੀ ਕਾਬੂ ਕਰ ਲਿਆ ਜਾਵੇਗਾ ਤੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਨੇ ਕਿਹਾ ਹੈ ਕਿ ਦੋਸ਼ੀਆਂ ਨੂੰ ਸੁਰੱਖਿਆ ਕਵਚ ਦੇਣ ਵਾਲਿਆਂ ਵਿਰੁਧ ਵੀ ਸਖ਼ਤ ਕਾਰਵਾਈ ਕੀਤੀ ਜਾਵੇ।

ਦੂਜੇ ਪਾਸੇ ਪੀੜਤਾ ਦੇ ਪਿਤਾ ਦਾ ਕਹਿਣਾ ਹੈ ਕਿ ਬਲਾਤਕਾਰ ਕਰਨ ਵਾਲਿਆਂ ਦੀ ਗਿਣਤੀ ਘੱਟੋ-ਘੱਟ 8 ਸੀ ਤੇ ਪੁਲਿਸ ਬਾਕੀ ਦੋਸ਼ੀਆਂ ਨੂੰ ਬਚਾ ਰਹੀ ਹੈ। ਉਨਾਂ ਮੰਗ ਕੀਤੀ ਕਿ ਚੰਗੀ ਤਰਾਂ ਛਾਣਬੀਣ ਕਰ ਕੇ ਸਾਰੇ ਦੋਸ਼ੀਆਂ ਵਿਰੁਧ ਕਾਰਵਾਈ ਕੀਤੀ ਜਾਵੇ।     ।

  • Home
  • ਅੱਤਵਾਦੀਆਂ ਦੀ ਘੁਸਪੈਂਠ ਰੋਕੇਗੀ ਸਮਾਰਟ ਫ਼ੈਨਸਿੰਗ, ਹੋਇਆ ਉਦਘਾਟਨ

ਅੱਤਵਾਦੀਆਂ ਦੀ ਘੁਸਪੈਂਠ ਰੋਕੇਗੀ ਸਮਾਰਟ ਫ਼ੈਨਸਿੰਗ, ਹੋਇਆ ਉਦਘਾਟਨ

ਸ਼੍ਰੀਨਗਰ, (ਖ਼ਬਰ ਵਾਲੇ ਬਿਊਰੋ) : ਕੇਂਦਰੀ ਗ੍ਰਹਿ ਮੰਤਰੀ ਰਾਜਨਾਥ ਸਿੰਘ ਨੇ ਅੱਜ ਜੰਮੂ ਕਸ਼ਮੀਰ 'ਚ ਬਣੀ ਦੇਸ਼ ਦੀ ਪਹਿਲੀ ਸਮਾਰਟ ਫ਼ੈਨਸਿੰਗ ਦਾ ਉਦਘਾਟਨ ਕੀਤਾ। ਇਸ ਫੈਨਸਿੰਗ ਦੀ ਖ਼ਾਸ਼ੀਅਤ ਇਹ ਹੈ ਕਿ ਇਸ ਵਿਚ ਥਰਮਲ ਇਮੇਜਰ, ਅੰਡਰ ਗਰਾਊਂਡ ਸੈਂਸਰ, ਫਾਈਬਰ ਆਪਟੀਕਲ ਸੈਂਸਰ ਤੇ ਰਾਡਾਰ ਲੱਗੇ ਹੋਏ ਹਨ। ਇਹ ਵਾੜ ਝੱਟ ਅੱਤਵਾਦੀਆਂ ਦੇ ਆਉਣ ਦੀ ਸੂਚਨਾ ਸੁਰੱਖਿਆ ਏਜੰਸੀਆਂ ਨੂੰ ਦੇ ਦਿਆ ਕਰੇਗੀ। ਉਦਘਾਟਨ ਮੌਕੇ ਗ੍ਰਹਿ ਮੰਤਰੀ ਨੇ ਦਸਿਆ ਕਿ ਇਸ ਵਾੜ ਦੇ ਜੋ ਵੀ ਚੀਜ਼ ਘੇਰੇ 'ਚ ਆਵੇਗੀ ਉਸ ਦੀ ਤੁਰੰਤ ਜਾਣਕਾਰੀ ਕੰਟਰੋਲ ਰੂਮ ਨੂੰ ਮਿਲੇਗੀ ਤੇ ਇਸ ਤਰਾਂ ਅੱਤਵਾਦੀ ਭਾਰਤੀ ਸਰਹੱਦ ਦੇ ਨੇੜੇ ਨਹੀਂ ਪਹੁੰਚ ਸਕਣਗੇ। ਮੰਤਰੀ ਨੇ ਕਿਹਾ ਕਿ ਜੇਕਰ ਇਹ ਪਾਇਲਟ ਪ੍ਰਾਜੈਕਟ ਕਾਮਯਾਬ ਰਿਹਾ ਤਾਂ ਇਸ ਦਾ ਵਿਸਥਾਰ ਕੀਤਾ ਜਾਵੇਗਾ।

  • Home
  • ਆਮ ਆਦਮੀ ਪਾਰਟੀ ਫਿਰ ਲੱਗੀ ਛੋਟੇਪੁਰ ‘ਤੇ ਡੋਰੇ ਪਾਉਣ

ਆਮ ਆਦਮੀ ਪਾਰਟੀ ਫਿਰ ਲੱਗੀ ਛੋਟੇਪੁਰ ‘ਤੇ ਡੋਰੇ ਪਾਉਣ

ਚੰਡੀਗੜ, (ਖ਼ਬਰ ਵਾਲੇ ਬਿਊਰੋ) : ਪੰਜਾਬ ਅੰਦਰ ਆਮ ਆਦਮੀ ਪਾਰਟੀ ਦੀ ਡਿੱਗ ਰਹੀ ਸ਼ਾਖ ਹੁਣ ਕੇਜਰੀਵਾਲ ਨੂੰ ਪ੍ਰੇਸ਼ਾਨ ਕਰਨ ਲੱਗ ਪਈ ਹੈ ਜਿਸ ਕਾਰਨ ਹੁਣ ਉਨਾਂ ਨੂੰ ਫਿਰ ਤੋਂ ਪੁਰਾਣੇ ਆਗੂ ਨਜ਼ਰ ਆਉਣ ਲੱਗ ਪਏ ਹਨ। ਪਾਰਟੀ ਨੇ ਸਾਬਕਾ ਕਨਵੀਨਰ ਸੁੱਚਾ ਸਿੰਘ ਛੋਟੇਪੁਰ ਅਤੇ ਡਾ. ਧਰਮਵੀਰ ਗਾਂਧੀ ਨੂੰ ਪਾਰਟੀ 'ਚ ਵਾਪਸ ਲਿਆਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਕਰ ਦਿੱਤੀਆਂ ਹਨ। ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਜਿਥੇ ਖ਼ੁਦ ਸੁੱਚਾ ਸਿੰਘ ਛੋਟੇਪੁਰ ਅਤੇ ਪਟਿਆਲਾ ਤੋਂ ਪਾਰਟੀ ਦੇ ਸਾਂਸਦ ਡਾ. ਧਰਮਵੀਰ ਗਾਂਧੀ ਨੂੰ ਪਾਰਟੀ 'ਚ ਵਾਪਸ ਆਉਣ ਦੀ ਅਪੀਲ ਕੀਤੀ ਹੈ ਉਥੇ ਹੀ ਉਨਾਂ ਆਪਣੇ ਦੂਤ ਵੀ ਇਨਾਂ ਆਗੂਆਂ ਕੋਲ ਭੇਜਣੇ ਸ਼ੁਰੂ ਕਰ ਦਿੱਤੇ ਹਨ। ਇਸ ਦੀ ਪੁਸ਼ਟੀ ਸੁੱਚਾ ਸਿੰਘ ਛੋਟੇਪੁਰ ਨੇ ਵੀ ਕੀਤੀ ਹੈ।

ਉਨਾਂ ਦਸਿਆ ਕਿ ਪਾਰਟੀ ਹਾਈ ਕਮਾਨ ਵਲੋਂ ਵਿਰੋਧੀ ਧਿਰ ਦੇ ਨੇਤਾ ਹਰਪਾਲ ਸਿੰਘ ਚੀਮਾ ਅਤੇ ਪੰਜਾਬ ਸਹਿ ਪ੍ਰ੍ਰਧਾਨ ਡਾ. ਬਲਵੀਰ ਸਿੰਘ ਸੋਮਵਾਰ ਸਵੇਰੇ ਉਨਾਂ ਨਾਲ ਮੁਲਾਕਾਤ ਕਰਨ ਲਈ ਉਨਾਂ ਦੀ ਮੋਹਾਲੀ ਰਿਹਾਇਸ਼ 'ਤੇ ਆਏ ਹੋਏ ਸਨ ਅਤੇ ਉਨਾਂ ਨੂੰ ਪਾਰਟੀ 'ਚ ਵਾਪਸ ਆਉਣ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਛੋਟੇਪੁਰ ਨੇ ਕਿਹਾ ਕਿ ਜਿਸ ਤਰਾਂ ਉਨਾਂ ਨੂੰ ਪਾਰਟੀ 'ਚੋਂ ਕੱਢਿਆ ਗਿਆ ਸੀ, ਇਸ ਨੂੰ ਉਹ ਅਜੇ ਤਕ ਭੁੱਲੇ ਨਹੀਂ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਪਾਰਟੀ ਦੀ ਮਜ਼ਬੂਤੀ ਲਈ ਪਾਰਟੀ ਆਗੂ ਕਿਥੋਂ ਤਕ ਕੋਸ਼ਿਸ਼ ਕਰਦੇ ਹਨ ਪਰ ਪਾਰਟੀ ਨੇ ਜਿਸ ਤਰਾਂ ਪੁਰਾਣੇ ਆਗੂਆਂ 'ਤੇ ਡੋਰੇ ਪਾਉਣੇ ਸ਼ੁਰੂ ਕੀਤੇ ਹਨ ਉਸ ਤੋਂ ਲਗਦਾ ਹੈ ਕਿ ਕੁਝ ਨਾ ਕੁਝ ਕਾਮਯਾਬੀ ਜ਼ਰੂਰ ਮਿਲੇਗੀ।